Къостайы æмдзæвгæты æмбырдгонд «Ирон фæндыр» | Дæ райсом хорз, Ирыстон!

1899 азы 15 майы фыццаг хатт мыхуыры рацыд Къостайы æмдзæвгæты æмбырдгонд «Ирон фæндыр». Уымæ гæсгæ 7 февралы 2003 азы нæ республикæйы уæды президент Дзасохты Алыксандр бафыста бардзырд: алы аз дæр 15 майы бæрæг кæнын ирон æвзаджы бон.
Къырийы дæргъы нæ республикæйы арæзт æрцæудзысты, ирон æвзаджы рæзт æмæ бахъахъхъæныны тыххæй, кадджын мадзæлттæ.
Ирон æвзаджы боны Уæрæсе æмæ фæсарæнты цæрджытæ фысдзысты «Глобалон диктант». Уыцы фысгæ куысты цалдæр хатты йæхи бафæрвæрдта не `мкусæг Æлборты Алисæ дæр. Куыд зæгъы, афтæмæй ацы аз дæр цæттæ у.
Уæдæ Дзалаты Элонæ та зæрдиагæй архайы, цæмæй сывæллæттæ сæ мадæлон æвзаг хъазгæйæ ахуыр кæной.
Сабитæн хуыйы фæлмæн хъазæнтæ, кæцытæ дзурынц ирон, дыгурон, стæй æндæр æвзæгтыл.