Цы у зарæг? I Дæ райсом хорз, Ирыстон!

Æвæццæгæн, риу кæй нал фæуромы, уыцы зæгъинæгтæ æмæ сагъæстæ фыццаг свæййынц æмдзæвгæ. Стæй уыцы уацмыс чидæр йæ зæрдæмæ афтæ арф айсы, æмæ йæ ирд æнкъарæнтæй æмæ хæлбурцъгæнæг монцтæй фæзыны мелоди. Райгуыры зарæг.
Берозты Мæдинæ, æрыгон уæвгæйæ, Ирыстонæн йæхи бауарзын кодта йæ зарджытæй. Куы сæм хъуысай, уæд цавæрдæр хъармдзинад бауадзынц адæймаджы зæрдæйы. Ацы райсом Мæдинæ у нæ студийы уазæг. Кæй зæгъын хъæуы, æнæбафæрсгæ йæ нæ фестæм, аивады кæлæнгæнæг тых цавæр у, уымæй.