«Ирыстоны национ культурæйы Шамил у, æмбал кæмæн нæй, ахæм фæзынд». Афтæ фыссæджы тыххæй дзырдтой Джыккайты Шамилы æмкусджытæ.
Уæ зæрдыл уын лæууын кæнын, Ирыстоны сæрхъуызойы райгуырдыл абон æххæст кæны 80 азы. Шамил ныффыста 150 наукон куысты, у ахуырадон чингуытæ аразæг. Дзæвгар поэтикон æмæ прозаикон æмбырдгонды автор. Драматург æмæ тæлмацгæнæг, æхсæнадон архайæг.
Ивгъуыд æнусы 90-æм азты ирон театры æвæрд æрцыди йæ пьесæмæ гæсгæ æвæрд трагеди «Хъодыгонд зæд». Премьерæ уыди бæхты театр «Нарты». Йæ режиссер уыди Дзиуаты Анатолий. Уый фæстæ та йæ сæвæрдтой Ирон театры сценæйы. Уыцы азты «Хъодыгонд зæдмæ» бакæсынмæ цыдысты мингай адæймæгтæ. Уæды цаутæ æрхъуыды кæнынмæ а изæр не студимæ ноджыдæр æрбахуыдтам нæ республикæйы сгуыхт артисты æмæ театр «Нарты» артист Дзуццаты Артур. Артур, ахъазыд Борæханы ролы.
