Æвзарæн къамисты куыст, ног закъæттæ æмæ ирвæзынгæнджыты дæсныйады тыххæй | Йæ рæстæгыл

Хуымгæнæны мæйы Центрон æвзарæн къамисы куыст уæлдай цымыдисаг уыд. Сæ фæндаг акодтой сывæллæттæм. Куыстой рæвдауæндæтты æмæ скъолаты хистæркъласонтимæ. Сарæзтой сын æвзæрстытæ. Цавæртæ, ууыл дзырдтам нæ равдысты фыццаг хайы. Фæстæдæр та — Паддзахадон Думæйы цы ног закъæттæ æмæ уагæвæрдтæ бацæттæ кодтой, уыдоныл. Бæрцæй бирæ сты, æмæ адæмыл куыд сахаддзысты, уый иртæстам нæ студийы уазæгимæ. Лæмбынæгæй байхъуыстам, нæ республикæйы паддзахадон бирæвæрсыг техникумы ног дæсныйады тыххæй нын чи радзырдта, уымæ дæр. Федералон проектмæ гæсгæ дзы райдыдтой ирвæзынгæнджыты ахуыр кæнын. Кæй æмæ цæмæй ирвæзын кæндзысты, уый базондзыстут нæ равдысты кæронбæттæнæй.