4-æм сентябры Ирыстоны официалон æгъдауæй райдыдта ног ахыры аз. Педагогон ахуыргæнæндæттæ каст бирæтæ фæвæййынц, фæлæ сæ дæсныйадмæ гæсгæ, кусгæйæ æрмæст се `мбис баззайы. Нæ уазджыты фæзминаг схонæн ис, æмæ цæй тыххæй, уый ты уын нæ программæйы радзурдзыстæм.
Алы спорты хуызæн дæр йæ ратæдзæн национ хъæзтыты ис. Зæгъæм, рагон къарейаг паддзах Когурёйы дзæппазы къулыл ссардтой, нырыккон тхэквондойы хуызæн чи сты, ахæм нывтæ. Уæды рæстæг ацы хъазты нысан уыд æфсæддоны къахæй саргъæй аппарын. Куыд æй зонæм, афтæмæй нырыккон тхэквондойы фæткы дæр сæйрагдæр у къахæй хæцын иттæг хорз арæхсын. 1994-æм азы ацы спорты хуыз хаст æрцыд Олимпаг хъæзтыты номхыгъдмæ. Æмæ фыццаг хатт ацыдысты Сиднейы 2000-æм азы. Уыцы олимпиадæйы фæстæ тхэквондойыл дзурын райдыдтой Ирыстоны дæр. Уый баст уыд Дзтиаты Аслæнбеджы номимæ. Йæ рæстæгыл æй нæ студимæ фæхуыдтам.
