21 мартъийы дунейы фæбæрæг кæнынц куклатæ аразæджы бон. Уый кадæн нæ республикæйы нывгæнджыты Цæдисы равдыстыты залы байгом гыкъынаты 5-æм юбилейон равдыст. Аивадуарзджытæ йæм уæлдай цымыдисæй æнхъæлмæ кастысты. Зыдтой йæ, Нарты кадджытæм гæсгæ дзы бирæ куыстытæ кæй уыдзæн, уый.
Сымах дæр хонæм ацы алæмæты дунемæ. Фембæлдзыстут нæ эпосы номдзыд хъайтартимæ: Сырдон, Дзерассæ, Уырызмæг, Сатана, Батрадз, Ацæмæз æмæ иннæтимæ.
