Археологон конференци æмæ премьерæ Ирон театры | Йæ рæстæгыл

Дзæуджыхъæуы наукон центры хъæппæрисæй нæ республикæйы уыдис археологты æппæтдунеон конференци. Йæ архайджытæ ныхас кодтой Цæгат Кавказы ивгъуыд æнусты археологон иртæстытыл. Мадзал та баст уыд зындгонд ахуыргонд æмæ археолог Евгений Крупновы номимæ. Нæ студийы уазджытимæ ацы хабарыл дзырдтам бæлвырддæрæй. Уæдæ Ирон театры та цалдæр боны фæстæ уыдзæн премьерæ. Уарзондзинад йæ зæрдæйы кæмæн цæры, ахæм аст сылгоймаджы сæ хъысмæт сбаста иу фыдракæндимæ. Иууылдæр кæрæдзиуыл дызæрдыг кæнынц, фыдгæнæг уæддæр чи у æмæ се `хсæн æнæмæтæй кæй ис, уымæй. Фæлæ, цымæ, цæуыл ахицæн уыдзæн сæ истори? Иучысыл нын сæ сусæгдзинæдтæ раргом кодтой нæ уазджытæ.