Адæмæн сæ зарæг куы нал хъуыса, уæд æй зон — нал сты. Зарæг цардимæ æмдзугæнæг у. Уд æмæ йæ зæрдæ дзæбæхгæнæг хонынц. Хъыг æмæ цины рæстæг нæ ныфс æмæ æууæнчы цырагъ. Зарæгимæ нæ фыдæлтæ цыдысты цуаны, стæры æмæ тохмæ.
Ныртæккæ тынг тæссаг у, цы монон бынтæ нын баззад, уыдон фесафынæй. Сафæм нæ ирондзинад, не `взаг, нæ культурæ. Стырзæрдæ систæм нæ адæмон зарджытыл дæр. Нæ фæсивæд æндæр адæмыхæттыты культурæйыл æнувыддæр сты. Æмæ уый, æвæццæгæн, хорз нæу. Нæ истори ирон дзырдæй фыссæм, ирон зарæгæй. Нæ радон равдыст «Бæрнон ныхас»-ы уазджытæ дæр уыцы хъуыдыйыл хæст сты.
