Æппæтуæрсеон адæмон фронты регионалон штабы бархионтæ æххуыс кæнынц, сæ бон хæдзарæй рацауын кæмæн нæу, æмæ зындзинæдтæ чи баййæфта, уыцы ацæргæ адæймæгтæн. Сæрмагонд мадзæлттæ арæзт цæуынц кароновирусæй сæ бахъахъхъæныны тыххæй. Бархионты штабмæ ис бадзурæн æмæ курдиат ныууадзæн фæлхасадон продукттæ, кæнæ та хостæ баласыны тыххæй. Хистæр кары адæммæ ацæуыны агъоммæ бархионтæ сæ тæвд сбарынц, скæнынц мæскæтæ æмæ æрынкъухтæ. Абоны онг уал пенсиисджытæн баххуыс кæнын кæй фæнды, уыдон сты 120-æй. Тагъд адæмон фронты регионалон штабтæ байгом уыдзысты районты дæр. Бархионтæ сидынц нæ республикæйы цæрджытæм: кæд исчи ветеранты æмæ æвæгæсæг ацæргæ адæймæгты тыххæй зоны, уæд æвæстиатæй дзурой мæнæ ацы номырмæ: 70 70 08. Акцийы тыххæй æрныхас кæндзыстæм ацы изæр дæр. Абон не студий уазаг у Æппæтуæрæсеон адæмон фронты регионалон штабы уæнг Гæлиты Клим.
Нури рæстæги тæккæ хуаздæр фадат сфæлдистадæн раргон унмæ æй социалон хузæг. Æцæгæйдæр, адæни исцæмæдес кæнун зин нæбал ай. Уогæ дæма гъæуама уа ацъæгъуа æма телефон. Дæхе исистай, æма цæстифæниуъулдмæ дин дæ видеуомæ мингай адæймаги бакастæй. Толасти Луизæ æма Бесолти Диани хъурти хаттитæ æма фæлмæн зард нæ республики ка нæ зонуй, уохæн адæн берæ наййес. Музыкалон кордиадæй æнхæст уогæй, сæ зæрдæй игъæлдзæг кæнунцæ адæни зæрдитæ, ачибон ба æнцæ нæ студий иуазгутæ.
