Бинонты бирæвæрсыг лæггæдты центр, Гæлæбаты Мураты æнтыст æмæ Андиаты Сосланы номыл турнир

Йæ рæстæгыл та уын уæ размæ хæссæм нæ дзуринæгтæ. Тагъд нæ республикæйы байгом уыдзæн бинонты бирæвæрсыг лæггæдты центр. Ныртæккæ уал дзы цæуынц цалцæджы куыстытæ. 8-æм ноябры та Москуыйы æрыгæтты сфæлдыстады хæдзары схорзæхджын кодтой конкурс «Лидеры села»-йы уæлахиздзауты. Уыдысты 50 æмæ семæ уыдис не `мзæххон, амалхъом адæймаг Гæлæбаты Мурат дæр. Кадджын спортивон бæрæгбон та уыдзæн Дзæуджыхъæуы 17-æм æмæ 18-æм ноябры. Нæ республикæйы сараздзысты æппæтуæрæсеон турнир уæгъдибар хъæбысхæстæй 2 хатты олимпаг чемпион Андиаты Сосланы номыл. Уыдæттæ сæ рæстæгыл уыдысты нæ дзырды сæр.