Æрхæццæ кæны нæ бæстæйы сæйрагдæр бæрæгбæттæй иу – Уæлахизы бон. Бирæ мадзæлттæ арæзт цæуынц æппæт Уæрæсейы, нæ республикæйы дæр.
Махæн дæр нæ равдыст баст у уыцы бонимæ.
Хæцæнгарз хæсты — хъазуат æвдисынæн. Фæлæ зарæг дæр тохы быдыры хотых у . Фыдыбæстæйы Стыр Хæстимæ баст зарджытæ ирон æвзагыл куы фæзæлынц, уæд сын вæййы уæлдай мидис. » Уæлахизы бон», «Ивгъуыд бонты хъæбатыртæ», «Зырнæджытæ»… Чи нæ зоны ацы зарджытæ, ахæм адæймаджы Ирыстоны зын ссарæн у. Ирон æвзагмæ ацы зындгонд хæстон зарджытæ ратæлац кодта Баситы Зæлинæ. Зæлинæ абон нæ равдысты уазæг у/
