Æрдзон уавæртæ æмæ фосыкуыстгæнджытæ! Фосы куыст чи зоны, уый йæ хорз æмбары — цас фылдæр рæстæг хизой сæ фос æрдзон уавæрты, уыйас фылдæр пайда райсдзысты, уыйас фылдæр бафтдзæн фосы уæз æмæ нымæцыл.
Уый æмбаргæйæ, фермер Дзебысаты Таймураз сфæнд кодта фосдарынады куыст быдыры нæ, фæлæ Хохы Карцайы райдайын. Ныртæккæ канд стурвосимæ нæ архайы, фæлæ йе `мцæдисон æмбæлттимæ райдыдтой якты æмæ бæхты куыст кæнын дæр.
Не сфæлдыстадон къорд сфæнд кодта дыууæ мин метры бæрзæндмæ схизын, цæмæй фембæлæм фермертимæ æмæ аныхас кæнæм, сæ куыст куыд цæуы, ууыл. Ацы равдыст ма уæ базонгæ кæндзыстæм куыстмондаг сылгоймаг Къуымæллæгкаты Розæимæ æмæ радзурдзыстæм цæрæгойты хæлар ахастдзинæдты тыххæй.
