Равдыст «Фæрдгуытæ»-йы хъайтар Джызалы цæры. Бирæ азты фæкуыста скъолайы. Цымæ хъæуы цавæр хорздзинæдтæ уыны? Йæ алыварс цы фæсивæдмæ йæ цæст дары, уыдонæй йæ зæрдæ райы, æви нæ? Уый тыххæй нын йæхæдæг æргомæй радзырдта.

Боситы Алихан Мызуры райгуырди. Йæ хъæуы хорз цау куы `рцæуы, уæд нæлгоймагыл хур ракæсы, æвзæр хъуыддаг фехъусгæйæ та йæ зæрдæ æрхæндæг фæкæны. Фæлæ цыфæнды куы уа, уæддæр æппæтæй ахсджиагдæрыл нымайы адæмимæ иузæрдионæй цæрын.

Богазты Арсæмæджы Кæрдзыныхъæуы чи нæ зоны, ахæм, æвæццæгæн, нæй. Кадджын хистæр у Арсæмæг. Æппæт хъæубæстæн дæр уарзон уый тыххæй у. Цавæр хъуыдытæ йæм ис, æмæ йæ сагъæстæ цæимæ баст сты, уый базыдта не сфæлдыстадон къорд?

Йæ цардвæндаг уæрæх æмæ цымыдисаг кæмæн у, ахæм адæймагыл та сæмбæлд нæ сфæлдыстадон къорд. Цырыхаты Мæирбег канд йæ уарзон хъæу – Уæллаг Санибайы истори нæ зоны, фæлæ ма царды ахсджиаг хабæрттæ дæр.

Не сфæлдыстадон къорд абалц кодта Ирыстоны хъæутæй иу – Хуымæллæгмæ. Фембæлдыстæм дзы Уазæгты Нугзарыл. Йæ руаджы раст цыма советон рæстæгмæ бахаудыстæм, афтæ нæм фæкаст.

Нe сфæлдыстадон къорд схæццæ ис Задалескмæ Гæмаонты бинонтæм. Куыд цæрынц, куыд архайынц ацы уазал фæззыгон бонты хохы адæм? Мах æй федтам, сымах дæр бакæсут программæ «Фæрдгуыты» ног рауагъдмæ.

Нæ прогораммæ «Фæрдгуытæ»-йы архайджытæ цымыдисаг сæ уды хъæздыгдзинадæй сты. Ацы хатт дæр та ахæм адæймаджы ссарынмæ араст стæм Дыгуры районмæ. Къора-Урсдоны бахостам Цæгæраты дуар.

Хохы цæрын зын кæй у, уый иууылдæр зонынц. Цардамæлттæ дзы адæм æрвылбоны фæллойæ кæнынц. Уый æххæстæй банкъардта Уæллаг Мызуйраг æрыгон лæппу Калоты Алан дæр. Ӕнæ фыдæбонæй йын йæ цард ад дæр нæ кæны. Йæ сабибонтæй фæстæмæ тырныдта йæ фидæн фæрогдæр кæнынмæ, бæллыдис хуыздæр цардмæ. Фæлæ иуахæмы бафиппайдта, йæ райгуырæн хъæу йеддæмæ цæрын кæй никуы базондзæн.

Не сфæлдыстадон къорд ацы хатт бабæрæг кодта Цыкола. Фысымтæ уыдысты Нигкоты бинонтæ. Нæ программæйы архайæг Керменыл 95 азы цæуы, фæлæ æгуыстæй иу бон дæр нæ бады! Бинонты хистæр нын радзырдта, куыстуарзондзинад цас хъару дæтты, уый.

11 азы размæ Бирæгъты Мæирбег йæ цард цæхгæр фæивта. Хохмæ ссыди æмæ Джимийыхъæуы æрцард йæ фыртимæ. Цæмæн равзæрста ахæм фæндаг æмæ æдзæрæг хъæуы хорзæй цы ссардта?