Бинонты цæджындзтæ — нæлгоймæгты, æнæфæкæсгæ карз тохты акалдта. Цæгат Ирыстонæй фашисттимæ тохмæ ацыд 95 мин адæймаджы. Се рдæг сæ фыдыуæзгыл нал сæмбæлдысты. Иу хæдзарæй — фондз, æхсæз, авд фырты арвыстой. Гæздæнты 7 æфсымæры сæ хæстон фæндæгтæ акодтой Уæрæсейы алы бæстæтæм. Адæмы сæраппонд сæ цард нæ бавгъау кодтой. Сæ нæмттæ æнусты цæргæйæ баззадысты. Сæ ингæнтæм та ныр адæм хæссынц дидинджытæ.
Цыколайаг Темыраты 6 æфсымæры тыххæй чи нæ зоны, ахæм стæм разындзæн. Тазе, Умати, Хуысин, Иссæ, æмæ Ехья ацыдысты ацу æмæ фæстæмæ ма ‘рцуйы фæндагыл. Сæ иу Рамзаны Уæлахизмæ бирæ нал хъуыд, фæлæ йыл знаджы нæмыг Кенигсбергы ссардта. Станицæ Черноярскаяйæ Сеовты бинонтæй хæстмæ 5 æфсымæры афæндараст сты. Михаил, Барис, Николай, Владимир æмæ Сергей. Иу дæр сæ йæ хæстæджытæн «хæстæй сыздæхæдтæн» нал загъта. Ахæм бинонтæ нæ республикæйы бирæ сты. Хæстмæ ацыд Гæззаты 6 æфсымæры.
Болотæ, Хъалæгатæ, Хъесатæ, Гуриатæ, Бæройтæ, Хестантæ, Басатæ, Бястæ Тахохтæ, Дзоблатæ, Уæзæгтæ, Дыгуртæ, Дзебойтæ, Тургитæ, Токатæ хæстмæ арвыстой 5-гай æфсымæры. Цæгат Ирыстоны 52 бинонтæ хæстмæ арвыстой 4-гай фырты. Иу дæр дзы нал сыздæхт.
