Бинонты фидардзинад, фæсфурдæй уазæг, спорты уæлахиздзау æмæ англисаг зарджыты ирон автортæ

Нæ республикæ æнæнхъæлæджы бахауд, бинонтæ сæ къайад тæккæ арæхдæр кæм ахицæн кæнынц, уыцы регионты номхыгъдмæ. Раппæлинагæй дзы ницы ис, уæлдайдæр ирон æхсæнады домæнтæ хынцгæйæ. Уæдæ ма нæм студимæ саккаг кодта, бирæ азты размæ фæсарæнтæм чи ацыд цæрынмæ, ахæм адæймаг. Фæлæ раздæрау йæ зæрдæйы рæбыны Ирыстонæн бынат ис. Афтæ ма нæ уазæг уыдзæн, æрæджы HFC-йы уæлахиздзау чи ссис, уыцы лæппу. Æрыгонæй æнтыстджын къахдзæфтæ кæны спорты. Программæйы кæронбæттæны ма комкоммæ эфиры аныхас кодтам не `мфыдыбæстæгтимæ. Радон хатт та фесгуыхтысты музыкалон æгъдауæй. Æппæт ацы цаутæн сымах дæр æвдисæн фæут.