Хуссар Ирæй хабæрттæ, мыггæгты фарн, Хъамбердиаты Мысосты мысæн бон æмæ хæдзардзин чызджытæ

Хуссар Ирыстоны кæронмæ ахæццæ сты бынæттон парламентмæ æвзæрстытæ. Уыдысты дзы æхсæнадæмон цæстдарджытæ, се `хсæн — Турчы цæрæг ирон адæмы æхсæнады сæрдар Хъуысаты Садреттин дæр. Сси нæ студийы уазæг æмæ нын йе `нкъарæнты тыххæй радзырдта. Базондзыстæм ма, æвзаг бахъахъхъæнынæн ахсджиаг цы у æмæ «Стыр Ныхас»-ы мыггæгты комитеты уæнгтæ цавæр фарстатыл кусынц, уый. Стæй æрхъуыды кодтам курдиатджын, фæлæ æдзард Хъамбердиаты Мысосты. Йæ райгуырды боныл сæххæст 115 азы, кадджын мадзал уый фæдыл сарæзтой йæ фыдыуæзæджы — Кæрдзыныхъæуы. Программæйы кæронбæттæны та сæмбæлдыстæм, ирон æфсины миниуджытæ хорз чи зоны æмæ сæ чызджытæн чи амоны, ахæм уазджытимæ. Цымæ нын сæ сусæгдзинæдтæ иууылдæр радзырдтой?