Сывæллæтты раст æмæ пайдахæссæг хæринæгтæ хæрыныл сахуыр кæнын ахсджиаг кæй у, ууыл æрныхас кодтой Цæгат Ирыстоны. Æрæджы Дзæуджыхъæуы сæрмагонд конференци «Управление возрастом и качеством жизни»-йы дзырдтой бинонты `хсæн хæрыны культурæмæ æргом аздахыныл. Ахуыргæнджытæ, дохтыртæ, диетологтæ, æхсæнадон кусджытæ æрцыдысты иу хъуыдымæ: нæ сывæллæтты ахуыр кæнын хъæуы раст хæрыныл. Уæдæ цæмæн сси ацы темæ ахæм ахсджиаг нырыккон дуджы, ууыл дзурæм «Йæ рæстæгыл».
«Стыр гастрольтæ»-й сыздæхтысты Ирон драмон театры артисттæ. Сфæлдыстадон къорд уыд Минскы. Сæ балц рауад Уæрæсейы культурæйы министрады, нæ республикæйы хицауады æмæ Росконцерты æххуысæй. Не `мзæххонтæ дзы равдыстой спектакльтæ «Гæздæнтæ», «В списках не значился» æмæ «Он, она, окно, покойник». Цы раиртæстой ирон театры арттисттæ, сæ репертуар æцæгæлон театрдзаутæн кæй фенын кодтой, уый фæстæ? Æмткæй куыд рæзы театралон культурæ ахæм гастрольты руаджы æмæ абон сценæйæ цæуыл дзурын хъæуы? Уыдæттыл æмæ ма æндæр фарстатыл дзурæм нæ студийы уазджытимæ
