Ног технологитæ æмæ ирон æвзагыл мультипликацион кинонывтæ, кæсаг дарыны сусæгдзинæдтæ, терапевты бон æмæ спортивон уæлахиздзау

Йæ рæстæгыл уæм хæццæ кæнæм, ног джиппы кæй рауагътам, уыцы изæрыгон программæ. Бæрцæй куыд фæуæрæхдæр, темæтæй дæр — афтæ. Нæ фыццаг равдысты уын радзурдзыстæм, ирон æвзагыл цы мульткинонывтæ фæзынд, уыдоны тыххæй. Уæдæ ма нæ царды ног æмæ IT -технологитæ куыд ахадынц, уый дæр базондзыстут. Уазæгуаты ма нæм уыдис ихтиопатолог. Кæсаджы мыггæгтæн сæ бон цæмæй сæйын у, уымæ цымыдисæй нæхæдæг дæр байхъуыстам. Адæмы низтæ та сты дохтыры бæрны. 17-æм октябры фæбæрæг кæнынц терапевты бон. Сæ иу уыдис нæ студийы уазæг. Программæйы кæронбæттæны та нæм фæзынд, спортивон уæлахиз кæмæн бафтыд йæ къухы, ахæм адæймаг. Афтæ ма уын хъусын кæнæм, æхсæнады цæстæнгас кæуыл æрæнцад, уыцы хабæрттæ дæр.