Вирус тыхджынæй тыхджындæр кæны æви адæм æдасдзинад æмæ сыгъдæгдзинады домæнтæ не `ххæст кæнынц? Фæстаг цалдæр мæйы коронавирусы тыххæй чи нæ фехъуыста, ахæм адæймаг, æвæццæгæн, нæй.
Уый нæ, фæлæ ма йæ бирæтæ сæхиуыл экономикон æгъдауæй дæр банкъардтой. Куыд æмæ цы хуызы? Уымæн йæ дзуапп хуымæтæг у — алчидæр нæ дуканитæм кæнæ базартæм куы ацæуы, уæд, фыццаджыдæр, цæмæ кæсы? Æргътæм! Кæй фæбæрзонддæр сты, уый иууылдæр уынæм. Цæмæн афтæ рауайы? Уыцы хивæнддзинад банывыл кæнын кæмæ хауы æмæ уавæр куыд аивæн ис?
