Кавказ хъахъхъæныны тыххæй

Мæйæ мæймæ хæстæгдæр кæны, нæ Фыдыбæстæ туг æмæ æвæджиауы хъæбатырдзинадæй кæй балхæдта, уыцы бæрæгбон. 9-æм майы сæмбæдзыстæм æхсардзинад æмæ райгуырæн зæхмæ уарзондзинады боныл. 75 азы рацæудзæн, нæ бæстæйыл, стæй канд ууыл нæ, фæлæ æгас дунейыл хур ногæй кæй руаджы скаст, уыцы номдзыд æмæ кадджын боныл. Афтæ рауад, æмæ 1942-æм азы, 31-æм декабры кæронмæ `рхæццæ ис Кавказ фашисттæй суæгъд кæныныл тох. 75 боны, ныртæккæ цардæй кæм райæм, уыцы зæххытыл уæд цыдысты карз хæстытæ. Советон æфсæдтæ дзы бæрзæйсæттæн цæфтæ кæй ныккодтой немыцаг хъулгъайæн, уый руаджы Цæгат Кавказ ногæй йæ къахыл слæууыд. Ам райдыдта Уæлахизы фæндаг фашистон æрдонгты сæ хуыккомы ныццæгъдыны фæндимæ. Æрмæстдæр размæ, æрмæстдæр Берлинмæ — уыцы уæнгроггæнæн ныхасимæ нæ Фыдыбæстæ йæ разæй ассæста знаджы. Фæстæдæр, 1944-æм азы 1-æм майы Советон Цæдисы снысан кодтой кадджын хæрзиуæг «Кавказ хъахъхъæныны тыххæй», зæгъгæ. Саккаг æй кодтой мингай салдæттæй фылдæрæн.