Зымæгон бæрæгбæттæй ирон адæмæн сæ ахсджиагдæр у зæронд Ног аз. Ногбонтæ æрцæуынц зымæджы хурхæтæны фæстæ. Ацы бонты алы фæзындæн дæр адæм лæвæрдтой стыр нысаниуæг. Мидисхæссæг уыд бæрæгбоны Æртхурон дæр. Уымæй уæлдай ма æвдисæм, бæрæгбоны маскæтæ куыд саразæн ис, уый.

Китайаг нымадмæ гæсгæ, алы азæн дæр ис йæхи нысан. 2022 аз уыдзыстæм тигры ахæсты. Уымæ гæсгæ йæ нæ равдысты бацархайдтам нæхи къухтæй саразын. Базыдтам ма фæлладуадзæн бынæтты цæттæдзинад зымæгон каникулты рæстæгмæ.

Национ телеканал «Осетия-Ирыстон» уын уæ размæ хæссы ног проект «Ӕмбалджынтæ». Цæуыл у æмæ цы нысан кæны йæ ном, уый базондзыстут нӕ фыццаг равдыстӕй. Нӕ сусӕгдзинӕдтӕй уал иу ӕргом кӕнӕм: цӕттӕ уын кӕндзыстӕм ӕхсызгон ӕмӕ ӕнӕнхъӕлӕджы фембæлдтытæ, стӕй бирӕ хиирхæфсæн мадзæлттæ. Зӕрдиагӕй нӕ фӕнды, цӕмӕй ныл иузӕрдион уат!