Рæстæг дæр, дам, алцæуыл нæ тых кæны.
170 азæй фылдæр цæуы Алагиры Хетæгкаты Аличы хæдзары къултыл. Кæстæрдæр сæ нæу, æввахс сæм цы кæрдо бæлас зайы, уый дæр.
Сæ ивгъуыды диссæгтæн уыдысты æвдисæнтæ. Рацæй-рабон, æмæ кæддæр хæдзары цæрджытæй иу уыд Хетæгкаты Къоста йæхæдæг.
Арæх, дам-иу, уагъта йæ фæллад, уæд нырма хурмæ йæ къабæзтæ цъæх-цъæхидæй чи ивæзта, уыцы кæрдойы бын дæр. Уæвгæ, канд ууыл цымыдисаг цаутæ нæ фесты…
