Нæ республикæйы дысвæлдæхтæй бавнæлдтой бинонты хъæууон- хæдзарадон куыстуæтты рæзтыл. Тагъд рæстæджы сбæрæг уыдзысты, ацы аз гранттæ кæмæн ратдзысты, уыдоны нæмттæ. Конкурсы архайдта 25 адæймаджы. Иннæ хорз хабар: фыстæ дарыны къабаз рапарахат кæныны тыххæй Цæгат Ирыстоны конд æрцыди сæрмагонд куыстыты пълан. Хиуауады снысан кодтой, фысты фермæтæ цы районты уыдзысты, уый. Уымæй уæлдай ма нæ республикæ йæ размæ сæвæрдта æхсыры куыстгæнæг фермæтæ фæфылдæр кæнын.
Фылдæр цæстдард цæуы зæхкусджытæм дæр. Кусынц нæм сæрмагонд программæтæ æмæ паддзахадон æххуыс райсыны мадзæлттæ. Ирыстоны хъæууон-хæдзарады минæвæртты къухы æнтыстдзинæдтæ кæй æфты, уымæн æвдисæн, паддзахадон хæрзиуджыты аккаг кæй свæййынц, уый. “Уæрæсейы сгуыхт фермеры” ном ацы аз радтой Æрыдоны районы зæхкусæг Лазарты Жаннæйæн.
