Муниципалитетты куыст, Андиаты Сосланы ном æмæ Кавказаг модæйы къуыри | Йæ рæстæгыл

Бынæттон хиуынаффæйады администрацийы кусджыты архайдæй аразгæ у адæмы цард. Йæ цард фенцондæр кæныны тыххæй адæймаг фыццаджыдæр уыдонмæ баулæфы. Хуымæтæджы фидаргонд не `рцыд бынæттон хиуынаффæйады кусæджы бон дæр. Сæ архайды тыххæй дзырдтам нæ программæйы. Æрымысыдыстæм ма нæ республикæйы фыццаг олимпаг чемпион Андиаты Сосланы рухс ном. Ирыстонæн йæ спортивон курдиатæй кад чи кодта, ууыл абон хъуамæ сæххæст уыдаид 74 азы. Студимæ нæм æрбацыдысты йæ хæлæрттæ. Афтæ ма нæ дзуринаг уыд, сæрды Дзæуджыхъæуы цы «Кавказаг модæйы къуыри» уыдзæн, уый. Нæ уазджытæ уыдысты, аивдзинадæн аргъ чи кæны æмæ кæй къухтæй цæуы, ахæм курдиатджын адæм.