Мызур

30.04.2021 20:30

Комæй-коммæ

Выпуск от 30.04.2021

19-æм æнусы кæрон ныры Мызуры зæххытыл бельгиаг амалхъом адæймæгтæ бындур сæвæрдтой поселокæн. Сæ сæйраг куыст уыд зæххæй æвзист æмæ зды амал кæнын. Уæд поселокмæ цæрынмæ цæуын райдыдтой, канд Ирыстоны кæмттæй нæ, фæлæ ма Советон Цæдисы алы рæттæй дæр. 1970-æм азы æппæтадæмон æрфысты рæстæг Мызуры цæрджытæ уыдысты 4 499 адæймаджы, 2010-æм азы та 3 116. Куыд ивы афæдзæй-афæдзмæ Уæлладжыргомы зæрдæ æмæ цы уавæры ис абон? Ууыл дзырдтам нæ программæйы.

Если вы нашли ошибку, пожалуйста, выделите фрагмент текста и нажмите Ctrl+Enter.

Другие выпуски
Комæй-коммæ

Фосхизæнты уавæр хъæуты

Хъæуты кæд фос къаддæр дарын райдыдтой, уæддæр адæмæн сæ фылдæр хай цæрынц фосы куыст кæнынæй æмæ цæхæрадæттæй. Уый нæ, фæлæ ма бирæтæ хæссын райдыдтой, уымæй размæ сæм цы уыди, уымæй фылдæр фос. Фæллой кæнын æмæ хи фæллойæ цæрын чи сахуыр ис, уыдон алы къуылымпыдзинæдтимæ 90-æм азты фæстæ сæмбæлдысты. Зæгъæм, хъæуты фосхизæнтæ фаг нæй. Ныртæккæ куыст цæуы хизæн бынæттæ фæстæмæ раздахыныл. Фæлæ зæххытæ кæм ис, уым та фыййæуттæ нæй. Æвæгæсæг фос хæринагагур уынгты зилынц, æмæ сæ ахоссæй æрцæуынц фæндаггон фыдбылызтæ дæр.  Уæвгæ, уавæр алы ран иухуызон нæу. Æппæт уыцы фарстатыл æрныхас кæндзыстæм нæ программæйы.

Нæ студийы уазджытæ сты: Цæгат Ирыстоны исбоны æмæ зæххыты ахастдзинæдты министры хæдивæг Датиты Алан, Æрæфы районы зæххы ахастдзинæдты хайады сæргълæууæг Токаты Руслан æмæ Æрыдоны районы Хъæдгæроны администрацийы сæргълæууæг Гуытъиаты Юрий.

выпуск от 29.11.2019
Комæй-коммæ

Сывæллæтты футбол

122 азы размæ, октябры кæрон Уæрæсейы официалон æгъдауæй фыццаг хатт ахъазыдысты футболæй. Уый уыди 24-æм октябры 1879-æм азы Санкт-Петербурджы. Бынæттон кадетон корпусы хихъæппæрисадон командæйы уæнгтæ фембæлдысты Английы футболуарзджыты клубимæ. Æмæ сын уæрæсейæгтæ фæхæрд сты 0:6 хыгъдæй. Фæлæ уæддæр Петербурджы газеттæ фыстой: «Махуæттæ хъаруджындæр разындысты англисæгтæй. Иу чысыл ма бакусын хъæуы, æмæ уæрæсейæгтæ пырх кæндзысты англисæгты». Англисæгты нын ныппырх кæнын нæма бантыст, фæлæ уæдæй абонмæ уыцы спорты хуыз сси уарзондæртæй иу. Стырæй-чысылæй, горæтагæй-хъæуккагæй – иуылдæр хъазынц футболæй æмæ кæсынц футболмæ. Ирыстоны футболуарзджытæм та ныфс фæзынди, командæ «Алани»-йæн йæ бон стыр уæлахизтæм схизын кæй бауыдзæн, уымæй.

Фæлæ а изæр мах футболон клубыл нæ дзурдзыстæм. Æрныхас кæндзыстæм районты æмæ хъæуты сывæллæтты футбол куыд рæзы, стæй цы къуылымпыдзинæдтæ æййафы, ууыл?  Куыд кусынц бынæттон командæтæ, ууыл комкоммæ дзурæм нæ программæйы «Комæй-коммæ».

выпуск от 01.11.2019