Ног азы бæрæгбон 2022

Выпуск от: 31.12.2021

Нæ телеканалы кусджытæ зæрдиагæй бацархайдтой сымахæн Ног азы бæрæгбон саразыныл. Зынаргъ нын чи у, уыдоны се `ппæты æрбахонын нæ къухы нæ бафтыд, фæлæ кæмæ фæдзырдтам, уыдон дæр махимæ архайдтой сымахæн уæ изæр барæсугъд кæныныл. Цæгат Ирыстоны сæйраг тренер сумойæ нын скарста бæрæгбоны салат, театры артисттæ нын радзырдтой, Ног азыл хъæлдзæгæй куыд сæмбæлæн ис, уый тыххæй. Нæ фæсивæд нын равдыстой, æнæ мит зымæгон хъæзтытæй хи куыд ирхæфсæн ис, уый. Блогертæ нын бацамыдтой, заз бæласы цур хуызистытæ аивдæр куыд рауайынц, уый. Æрмдæснынтæ та нæ сахуыр кодтой лæвæрттæ хи къухæй кæныныл. Уæдæ фæстейы нæ баззадысты Ирыстоны музыканттæ дæр!