Японийы сæйраг горæт Токиойы кæронмæ æрхæццæ сты 32-æм сæрдыгон Олимпаг хъæзтытæ.
Дунеон спорты историйы баззайдзысты, амæй размæ чи никуыма уыдис, ахæм уавæрты арæзт кæй æрцыдысты, уымæй. Фыццаг хатт спортивон фæзты трибунæтæ уыдысты афтид. Ерыстæ хъуамæ фарон ацыдаиккой, фæлæ цæ пандемийæйы аххосæй 2021 азмæ аргъæвтой. Архайдтой дзы 200 бæстæйы спортсментæ. Фысымтæ æппæт дæр сарæзтой, цæмæй ерыстæ æнæкъуылымпыйæ æмæ иттæг хорз уавæрты ацæуой, уымæн.