Пандустæ, сырдтæ циркты, ирон æвзагыл мультикинонывтæ, нациты ахастытæ æмæ Джихаты Рустамы сфæлдыстады тыххæй

Йæ рæстæгыл та уын уæ размæ хæссæм нæ дзуринæгтæ. Адæмон фронты регионалон хайады æмсæрдар Цæгæраты Руслан дзырдта Дзæуджыхъæуы пандусты тыххæй. Бакусинаг фарстатæ нырма бирæ сты. Нæ ныхасы сæр ма уыд, циркты хъæддаг сырдтæ æмæ хæдзарон цæрæгойтимæ кусыны ныхмæ чи сдзырдта, уыдоны фæндон дæр. Нæ иннæ уазджытæ та ирон æвзагмæ ратæлмац кодтой фæсарæйнаг мульткиноныв. Фæсарæнты темæ ууыл нæ фæци: нæ республикæйы æндæр адæмыхæттыты минæвæрттæй чи ахуыр кæны, уыдоны бафтыдтой ирон чъиритæ кæныныл. Уый тыххæй аныхас кодтам дзуапдæттæг министримæ. Программæйы кæронбæттæны та нæ зæрдæ зарын æрцагуырдта. Уазæгуаты нæм фæзынд зарæггæнæг Джихаты Рустам. Æрæджы сыздæхт Мæскуыйæ. Уыдис равдыст «Привет, Андрей»-ы архайæг.