Плиты Нодары бирæ кæимæ барстой. Чи йæ «Riverdánce»-ы солисты хуызæн хуыдта, чи та йыл кафты бардуаджы ном сæвæрдта… Ахæм стыр аргъ та хуымæтæджы не `скæнынц. Йæ фыццаг къахдзæфæй, фыццаг къухы айстæй се `ппæты дæр райсы аивады уацары æмæ сын сæ зæрдæтæм бауадзы рæсугъддзинад æмæ йæхи зæрдæйы хъарм. Афтæ ныр бирæ азты.
Куыстуарзон æмæ цæстуарзон адæймаг кафджыты бирæ фæлтæртæн у фæзминаг æмæ дæнцæг. Йæхæдæг та … Йæхæдæг та куыд фæзæгъы, афтæмæй кусы, кæстæрты ахуыр кæны æмæ кафт чи уарзы, уыдонæн циндзинад хæссы.
