Рæмонты Алыксандр

75 азы сæххæст, немыцаг фашистты Ирыстоны зæххæй куы атардтой, ууыл. Уæвгæ, канд Ирыстонæй нæ. Æрджынарæджы хæстæй аразгæ уыди, нæ бæстæйы Хуссар хай знаджы ссыгъдæг кæныны хъуыддаг. Денджызы, уæлдæфы, хъæдты æмæ хæхты 15 къуырийы дæргъы цыдысты æвирхъау хæстытæ. Фæскавказы æмæ Кавказы цы заводтæ уыди, уыдон сæ куыст рацарæзтой, æмæ уадзын райдыдтой æфсæддон техникæ æмæ хæцæнгæрзтæ. Адæм иу тымбыл къухау æрбангом сты, æмæ знаджы ныхмæ æлæууыдысты. Æрджынарæджы бынмæ цы салдæттæ тох кодтой, уыдонæн сæ 42% уыдысты кавказæгтæ. Уæд советон æфсæддонтæ срæмыгътой 300 танцы бæрц, амардтой 5 мин немыцаг салдатæй фылдæр. Уыцы тыхæвзарæн хæсты чи уыд, уыдонæн бирæтæ нал баззади. Фæлæ æгас сты, уæды рæстæджы сывæллæттæ чи уыдысты, æмæ хæсты цаутæ йæхи цæстытæй чи федта, уыдон. Сæ иу у нæ абоны уазæг дæлбулкъон, 2-æм къæпхæны капитан Рæмонты Алыксандр.