Къæмынты цæрæг Дæтиаты Валерий йæ царды фылдæр хай быдыры хъæуты арвыста. Фæлæ йæ кары куы бацыд, уæд йæ зæрдæ хохмæ ахсайдта æмæ Дунты æрцарди.

Рагæй-æрæгмæ дæр Ирыстоны цымыдисагдæр бынæттæй иуыл нымад у Куырттаты комы хæххон хъæу Дзывгъис. Ам цæргæ дæр цымыдисаг адæм кæны. Елхъанаты Хъазыбег кувæг лæг у. Куыд зæгъы, афтæмæй йын æвзæр æмæ галиу митæ нæ батайдзысты.

Ацы хатт не сфæлдыстадон къорд йæ фæндаг сарæзта Толдзгунмæ. Суазæг нæ кодтой Хæмыцаты бинонтæ. Хæдзары хистæр Хаджимурат нæ бавгъау кодта йæ рæстæг æмæ радзырдта хъæуы цард куыд цæуы, уый.

Дон змисджын зæххы куыд ауайы, азтæ дæр афтæ тагъд згъорынц. Рæстуд æмæ фæлмæн чызг Зойæ Солтанты хæдзармæ бакъахдзæф кодта æртиссæдз азы размæ. Уыцы цау цыма знон æрцыд, афтæ йæм кæсы. Абон йе `мкъай Тасолтанимæ цæры Цыколайы, æмæ иумæ хъомыл кæнынц сæ кæстæрты кæстæрты.

Куырæйттыхъæу кæцы ран ис, уый бирæтæ зонгæ дæр нæ кæнынц. Фæлæ дзы цæрынц, быдырмæ рацæуын кæй нæ фæнды, стæй æнæ хæххон уæлдæфæй чи нæ бафæраздзæн, ахæм адæймæгтæ. Атайты Тотрадз æмæ Бесолты Барис систы нæ программæйы архайджытæ.

Æмæ та ног «фæрдгуытæ» ссарыны тыххæй не сфæлдыстадон къорд ссыди хæххон хъæу Задалескмæ. Суазæг нæ кодтой Текъойты бинонтæ. Тынг уарзынц сæ хъæу. Цæмæн ыл сты афтæ æнувыд, уый тыххæй нын æргомæй радзырдтой.

Адæмы цы сразæнгард кæны стыр горæттæ ныуадзын æмæ дæрддзæф хъæутæм ацæуын? Æви ныр горæттæй хъæумæ æхсызгондæрæй цæуын райдыдтой? Уый тыххæй нын радзурдзысты Толасты бинонтæ Гæлиатæй

Хистæр кары адæм цæмæй хицæн кæнынц? Сты тынг куыстуарзон æмæ æнæзивæг. Кæд царды бирæ зындзинæдтæ бавзæрстой, уæддæр нæ асастысты, нæ фæцудыдтой. Ахæм сты Хайаты Таисæ æмæ Бетрозты Мирæ дæр. Сæ цард снывонд кодтой сæ кæстæртæн.

Абон ма æцæг ирон къуымæл чи кæны? Хорæй. Куыд æмбæлы, афтæ? Мах иу ахæм сылгоймаджы базыдтам. Зоны къуымбилы куыст кæнын дæр. Фæцыдыстæм æм Зынцъармæ!

Дæллаг Зджыды цалдæр цæрæджы йеддæмæ нæ баззад. Фæлæ дзы Габолаты-Бызыккаты Эльзæ цæры йæ бинонтимæ. Цæуыннæ сæ фæнды быдырмæ ацæуын ? Стæй цæмæй цæрынц? Уый базондзыстæм ацы равдысты.