Ацы мæйы уыд республикæйы пысылмæтты 9-æм съезд. Цы фарстатыл дзы цыд ныхас, уыдоны сæйрагдæр уыд ног муфтийы равзарын. Афтæмæй 17-æм мартъийы Цæгат Ирыстоны муфтийæ сфидар кодтой Гуæцæлты Хадзымураты — фехъусын кодтой регионы пысылмæтты управленийæ. Куыд ма фæбæрæг кодтой, афтæмæй съезды рæстæг бæстон æрныхас кодтой ивгъуыд 5 азы куыстыл.
Сæ хатдзæгтæ базонын бирæтæн цымыдисаг уыдзæн. Уымæ гæсгæ не студийы уазæг у Цæгат Ирыстоны пысылмæтты управленийы сæргълæууæджы хæдивæг Дзагъуырты Ибрагим æмæ Ногхъæуы цæрæг Доцоты Таймураз.
