В эти дни старшие возносят молитвы самому почитаемому божеству осетинского пантеона – Уастырджи. Просят его о мире и благополучии. Праздник продлится неделю. Как его встретили жители республики в этом году рассказал Феликс Бритаев.
Фæндаггонтæ, хæстон адæм, фæсивæды бардуаг æмæ фыдбылыз сафæг — Уастырджи. Йæ кадæн бæрæгбон Джеоргуыба ирон адæмы царды кæддæриддæр ахста уæлдай бынат. Джеоргуыбайы мæйæн йе ‘ртыккаг къуырийы хуыцаубон у йæ райдайæн — «Галæргæвдæнтæ». Абон цы нывонд æрхæссынц, уымæ афæдзы дæргъы вæййы уæлдай зылд. Нæ йæм вæййы хъæр ныхас кæнæн, схæссынц æй сыгъдæг уавæрты. Уымæй уæлдай, нывондагæн сайæн нæй. Уæвгæ, табуйаг бонты ирон адæм фæдарынц ком, чъизи хъуыдытæ хæстæг нæ уадзынц. Æрмæст афтæмæй Лæгты дзуар айсдзæн куывтытæ.
Ацы бонты дзыллæтæ кувдзысты, курдзысты æнæниздзинад, бæркад æмæ фарн. Бæлццæттæн та рæсугъд фæндæгтæ. Æгъдаумæ гæсгæ кусæрттаг акæнынц Джызæлы Сидахъаты бинонтæ дæр.
Кусарт кæнгæйæ, æнæмæнг æрбакæнынц кæстæрты дæр. Хистæрты ныхæстæм гæсгæ, хъуамæ хæрз чысылæй райдайой зонын, æмбарын æмæ æмхиц кæной ирон æгъдæуттæм. Райсом та цæрджытæ æртæдзыхæттæ æмæ физонæгимæ цæудзысты дзуарыбынмæ. Æгас Ирыстонæн дæр курдзысты сабырдзинад æмæ фæрныг фидæн. Къуырисæры та уыдзæн Джеоргуыбайы ‘рвитæн æхсæв.
