Абон Цæгат Ирыстоны паддзахадон университеты уыдис 13-æм æхсæнадон æрыгон ахуыргæндты конференци “Кавказ в его прошлом и настоящем: история, археология, культура”, зæгъгæ.
Мадзал баст уыд Уæрæсейы наукæйы бонимæ. Сæ зонадон куыстытæ раргом кодтой æрыгон ахуыргæндтæ, аспиранттæ æмæ студенттæ. Æдæппæтæй уыдысты 30 адæймаджы, Дзæуджыхъæумæ ссыдысты æгас Цæгат Кавказæй. Мадзалы архайджытæн арфæйы ныхæстæ ракодтой Цæгат Ирыстоны паддзахадон университеты ректор Огъуаты Алан, стæй Абайты Васойы номыл гуманитарон æмæ социалон иртæстыты институты сæрдар Хъаныхъуаты Зæлинæ. Конференцийы фæстæ Цæгат Ирыстоны эксперттæ равзардзысты хуыздæрты.
Сæ куыстытæ сын мыхуыр кæндзысты журнал “Известия СОИГСИ. Школа молодых ученых”-ы. Уымæй уæлдай ма конференцийы сарæзтой дæсныйад æвдисæг ахуыртæ дæр.
