Уыдис Цæгат Ирыстоны парламенты æмбырд. Сæрдариуæг дзы кодта Алексей Мачнев. Æрдзырдтой дзы 30 федералон æмæ республикон закъоны проектыл.
Советы уæнгтæ рахæцыдысты, адæм æмæ сырдтæ кæй мидæг сты, уыцы хæдтулгæты эвакуаци ма уадзыны хъæппæрисы фарс. Депутаттæ æркастысты, хицауады бартæ чи уæрæхдæр кæны, уыцы закъоны проектмæ дæр. Æрныхас ма кодтой, Национ гвардийы æфсæддонтæй сывæллæттæ кæмæн ис, уыдонæн паддзахадон фиддонтæ дæттыныл. Цæгатирыстойнаг депутаттæ хъæппæрис бахастой республикæйы æхсæнадон палатæйы бартæ фæфылдæр кæнынмæ дæр.
Закъон куы сфидар кæной, уæд æвзæрстыты рæстæг палатæйы уæнгтæн сæ бон нысан кæнын уыдзæн æвзарæн къамисты цæстдарджыты. Уымæй уæлдай, депутаттæ æркастысты газы хæдзарады куыстимæ баст адæмы хъæстытæм. Рейдты рæстæг семæ вæййынц барадхъахъхъæнджытæ дæр. Республикæйы цæрджытæ хъаст кæнынц, æнæ рагфæдзæхстæй сын сæ газы хæтæлтæ кæй алыг кæнынц. Хъуыддагмæ бардарæг комитеты уыцы хъуыддагыл ныртæккæ кусынц, фæнысан кодта парламенты сæрдар Алексей Мачнев.
