190 мин адæймаджы афæдзы райдайæнæй ацыдысты диспансеризаци Цæгат Ирыстоны

190 мин адæймаджы афæдзы райдайæнæй ацыдысты диспансеризаци Цæгат Ирыстоны. Уый тыххæй фехъусын кодта Сергей Меняйло. Сæргълæууæг бафтыдта, профессионалон æркастытæ сарæзтой 100 мин сывæллоæн дæр. Бынативгæ медицинон комплекстæ та 1 100 хатты ацыдысты районтæм, дæрддзæф хъæутæ нымайгæйæ. Бындурон æмæ комплексон иртæстыты руаджы дохтыртæ низты миниуджытæ рагагъоммæ рабæрæг кæнынц, цæмæй сæ афойнадыл сдзæбæх кæнæн уа. Цыфæнды кары дæр æнæниздзинадмæ цæст дарын ахсджиаг у. уый тыххæй хъæуы æрмæст поликлиникæмæ æрбацæуын. Уæ зæрдыл уын æрлæууын кæндзыстæм, архайд нывылгонд æрцыд “Дæргъвæтин æмæ уæнгрог царды” национ проектмæ гæсгæ.