22-æм августы Уæрæсейы бæрæг кæнынц паддзахадон тырысайы бон. Сæрмагондæй ацы бонмæ “Раззагдæрты змæлд” æмæ “Новигаторы детства” иумæйагæй сарæзтой æппæтæуæрæсеон акци “Символ народа” зæгъгæ. Республикæйы скъолаты 100 ахуырдзауæй фылдæр бацархайдтой егъау мадзалы 11-æм скъолайы бындурыл. Флешмобы фæлгæты 30 метры дæргъæн Уæрæсейы тырыса, иудзинад æмæ Фыдыбæстæйæ сæрыстырдзинады нысан.
Сабитæн бацæттæ кодтой фæзуат аквагримимæ – цæ цæсгæмттыл сын кодтой патриотон нысанимæ нывтæ тырысайы хуызты. Акцийы кæронбæттæны та асфальтыл сабитæ ныууагътой сæ арфæтæ æмæ нывтæ. Мадзалы архайджытæн балæвар кодтой Уæрæсейы тырысайы хуызты уæлæдарæс æмæ сæлдæг.
