“Битвы хоров”-æн лагерь “Фидæн”-ы хъæздыг истори ис. Мадзал у алы фæлтæры ӕнӕмӕнг хай. Конкурсы тематикӕ — Уӕрӕсейы адӕмты зарджытӕ. Къордтӕ иууылдӕр цӕттӕ кодтой дыууӕ номыры: иу — ирон ӕвзагыл, дыккаг— сӕхи æвзæрстмæ гæсгæ.
Мадзаларазджытæ фидарæй зæгъынц: музыкӕ ӕххуыс кӕны хи раргом кӕнынӕн ӕмӕ командӕйы иудзинад банкъарынӕн. Сывӕллӕттӕн куыд ӕмбӕлы, афтӕ бацӕттӕ кӕнынӕн баххуыс кодтой раздзогтӕ. Конкурсмæ фӕсивӕд бæрнон цæстæй ракастысты. Равзӕрстой репертуар, ахъуыды кодтой сценӕмӕ рацӕуыныл. Фӕлӕ сӕ ерысы дӕр архайынц сӕйраг хъуыддагыл ахуыр кӕныныл – кӕрӕдзийы фарсмæ балæууыныл ӕмӕ сыхаг къорды æнтыстдзинæдтыл цин кӕныныл. Зӕрдиагæй мӕт кӕнын ӕмӕ алкӕмӕн дӕр ӕмхуызонæй арфæ кæныныл.
Жюрийы — фæлтæрдджын хормейстертӕ ӕмӕ ахуыргӕнджытӕ. Уыдон аргъ кодтой вокалон партитæн нӕ, фӕлӕ командæйы иумæйаг архайдӕн æмæ йæ архайджыты ахастдзинæдтæн. Алы къорд дӕр агуырдта йӕхи хицæндзинæдтæ: иутӕ архайдтой алыхуызон змӕлдтытӕ кӕныныл, иннӕтӕ бæстон хъуыды кодтой костюмтыл. Сӕйрагдӕр у æрбацæуæджы сцымыдис кӕнын ӕмӕ зарӕджы зӕрдӕйы уаг равдисын.
Залы раз арæхстдзинад равдисын æнцон нӕу. Аннӕ фыццаг хатт архайдта конкурсы. Дзуры: уыд зын, фӕлӕ цымыдисаг. Хъӕлдзӕг репетициты фӕрцы чызгӕн йӕ бон сси йӕ къорды фæсивæдимæ тагъд балымӕн уӕвын.
Конкурс ахицæн. Фӕсивӕдӕн уый хорз фадат у сценӕйы архайынӕн, Уӕрӕсейы адӕмты культурӕимӕ базонгӕ уӕвынӕн. Фӕлӕ сӕйрагдӕр у ног хӕлӕрттӕ ссарын ӕмӕ сӕрды каникулты ирд æнкъарæнтæ райсын.
Милдзыхты Амалия
