Дзæуджыхъæуы Абайты Васойы номыл уынджы 87-æм хæдзары ивынц зæронд коммуникацитæ. Цалцæггонд нæ уыдысты 60 азæй фылдæр, хæтæлтæ нызгæ сты, уымæ гæсгæ сæ дон хъардта æмæ æмбырд кодта. Бæрзонд уымæлад хæццæ кодта фатертæм.
Цæрджытæ тыхстысты уавæрæй, хъаст кодтой дон сæм кæй нæй, уый фæдыл. Дзæуджыхъæуы хæдзæртты 8-æм управлени фæсидт хъæугæ специалисттæм. Бригадæ доны, хъармгæнæн æмæ канализацион системæтæ бындуронæй баивта. Ног инженерон хызтæ конд сты хæрзхъæд æрмæгæй – полипропиленæй, кæцыйæ пайда кæндзысты дæсгай азты.
