Абон æмæ райсом республикæйы быдираг районты уыдзæн æнтæф

24.06.2024 21:08

Дзæуджыхъæуы Сабырдзинады фæзы арæзт æрцæудзæн тематикон мадзæлттæ. Горæтгæрон районы та сараздзысты “Нарты хъæзтыты” фестиваль. Республикæйы бон сбæрæг кæндзысты иннæ районты дæр.

Абон æмæ райсом республикæйы быдираг районты уыдзæн æнтæф. Уæлдæфы температурæ схиздзæн 38 градусмæ. Алагиры, Горæтгæрон æмæ Мæздæджы районты 12 хъæуы снысан кодтой зынгсирвæзтытæй тæссаг уавæр. Уый сбæрæг хицауады аппаратон æмбырды. Амыдта йæ Сергей Меняйло. Республикæйы сæргълæууæг бадомдта æнæнхъæлæджы уавæрты министрады республикон хайадæй боныхъæды уавæртимæ баст мадзæлттæ сбæлвырд кæнын æмæ сæ цæрджытæм фæхæццæ кæнын. Ныхас ма цыд доны фарстатыл дæр. Доны куыстуæттæ баиу кæныны архайд сæххæст кодтой 97% онг. Донхæццæгæн æмæ дзондзæуæн республикон куыстуатмæ бахызтысты Горæтгæрон районы куыстуæттæ. Къуырийы кæрон 29-æм июны республикæ бæрæг кæндзæн Фæсивæды бон. Дзæуджыхъæуы Сабырдзинады фæзы арæзт æрцæудзæн тематикон мадзæлттæ. Горæтгæрон районы та сараздзысты “Нарты хъæзтыты” фестиваль. Республикæйы бон сбæрæг кæндзысты иннæ районты дæр.

Предыдущий материал

Цæгат Ирыстоны кусæг балцы ис Уæрæсейы хъæууон-хъæдзарады министр Оксана Лут

Следующий материал

Цæгат Ирыстоны, куыд æрвылаз, афтæ ныр дæр схиздзысты коммуналон лæггæдты æргътæ

Читайте также

Все новости