Адæмон фронты уæнгтæ бабæрæг кодтой скъолатæ æмæ сывæллæтты рæвдауæндæттæм хæстæг дуканитæ. Ахæм басгæрсты сæйраг нысан — карз нозт æмæ тамакойы зилдух базарадон бынæтты бауромын. Амалхъом адæмæй иутæ закъоны сæрты нæ хизынц, иннæтæ та домæнтæм куыдфæндыйы цæстæй кæсынц.
Ацы дукани æрбынат кодта 45 метры дæрддзæгыл 15-æм скъолайæ. Уый сбæлвырд кæнæн ис Яндексы балцвæды руаджы. Ныртæккæ ахуыргæнæндон æхгæд у. Фæлæ дзы тамакойы продукци æмæ хъæбæр нозт уæйгæнæн нæй. Ам закъоны домæнтæ æххæст кæнынц. Активисттæ дзы фæткхæлдтæ нæ рабæрæг кодтой. Фæлæ Адæмон фронты уæнгтæ уæйгæнджыты зæрдыл æрлæууын кодтой базарады архайыны домæнтæ.
Фæлæ ахæм уавæр се ‘ппæт бынæтты нæй. Марковы номыл уынджы – сæрмагонд дукани ис. Бæстыхайы ныхыл егъау фæйнæг «Тамако æмæ бæгæны», зæгъгæ, фыстимæ 6-æм скъолайы ахуырдзаутæм суанг кълæстæм зыны. Горæты бирæ скъолаты алыварс иу нæ, фæлæ цалдæргай ахæм дуканийы ис. Фæлæ сæ хицæутты уый не ‘ндавы. Сæйрагдæр сын у ам адæм бирæгæйттæй кæй змæлынц, уый. Йæ бакомкоммæ скъола ис, уый мæт никæй ис. Сывæллæттæн нæ уæй кæнæм – æрмæст ацы ныхæстæ фехъуыстой активисттæ. Не сфæлдыстадон къорды куы бауыдтой, уæд та кусджытæ дукани æхгæнынмæ фесты. Сабырæй аныхас кæнын афтæ дæр нæ бантыст.
Фиппайнæгтæ разынд Павленкойы уынджы сывæллæтты рæвдауæндоны бакомкоммæ дуканийы. Ам уæйгæнджытæ сæрмагонд закъоны домæнты тыххæй хъусгæ дæр нæ фæкодтой. Фæлæ сæ уый дзуапп радтынæй нæ бахиздзæн. Адæмон фронты минæвæрттæ бынаты домæнтæ бамбарын кодтой.
Адæмон фронты активисттæ ахæм мониторинг æппынæдзух аразынц. Уыимæ ма фæстæдæр сбæрæг кæндзысты фиппайнæгтæ куыд аиувар кæндзысты, уый.
