Паддзахадон Думæйы рахастой фæндон it-къабазы кусджытæй льготæтæ кæмæн æмбæлы, уыдоны номхыгъд фæуæрæхдæр кæнын. Кибер æдасдзинадыл цы компанитæ кусныц, уыдонæн фæнд кæнынц сæ æфтиæгтæ бахъахъхъæнын хъалон айсгæйæ.
Ныртæккæ акредитаци кæмæ ис, æмæ 70% профилон æфтиæгтæ чи исы, уыцы it-компанитæ, регионалон бюджетæн хъалон нæ фидынц. Депутатты хъуыдымæ гæсгæ, æддагон политикон уавæртæ хынцгæйæ льготæ хъæуы фæуæрæхдæр кæнын, цæмæй аххæса информацион æдасдзинады фарстатыл чи кусы, уыцы компанитыл дæр. Электронон коммуникацийы ассоциацийы ацы хъуыды хорзыл банымадтой æмæ сæ фæнды, цæмæй IT-къабазы чи кусы, уыдоны се ‘ппæты дæр хъалонтæй суæгъд кæнын.
Уыимæ ма сын цæмæй фенцондæр кæной сæ алвæрсыг басгæрстыты фæтк дæр цалдæр азы ‘мгъуыдмæ æмæ сæ суæгъд кæной æфсады службæйæ 3 азмæ.
