Æнæзакъон буаргъдтæ æмбæхсынц алы ран дæр, дзуры таможнæйы инспектор Баликъоты Алан. Æххуыс ын кæны йæ цыппæркъахыг хæлар – спаниель Принц. Уый тæфмæ гæсгæ базоны алцыдэр, зæгъæм, наркотиктæ. Æмкусджытæ басгæрстой æппæт хæйттæ, зилæгон, бæлццæттæласæн автобусы салон. Куыдз истæуыл куы фæгуырысхо вæйййы, уæд æй æмбарын фæкæны йæ буары змæлдæй. Ацы хатт ницы ссардта.
Контролон зонæйы хæдтулгæ фесгарынц 2-йæ 10 минуты онг. Уæзласæн машинæтыл фыццаг сæмбæлынц арæнхъахъхъæнджытæ æмæ Уæрæсейы фæлхасгæнджытæм цæстдарды специалисттæ. Дарддæр таможнæйы кусджытæ саразынц радиацион цæстдард æмæ сбарынц асбæрц. Уый фæстæ сæрмагонд кусæнгæрзты æххуысæй фурæ скан скæнынц. Æртæ минутмæ райсынц рентгены ныв. Инспектор ын аргъ скæны. Процедурæйæн æххæстæй бахъæуы 15 минуты. Æнæзакъон товартæ æмæ буаргъæдтæ ссарынц сæрмагонд программæйы фæрцы кусæнгæрзты æмбырдгондæй пайда кæнгæйæ.
Рентгены нывы истæуыл дызæрдыг куы фæкæнæм, уæд фыццаджыдæр фæдзурæм шофырмæ, æрфæрсæм æй. Уымæн æмæ рентгены ныв проекци у æмæ уыцы иу хуызæн нæ вæййы. Уыимæ ма товар закъонмæ гæсгæ куы ласой, уæд гæнæн ис æмæ
Нырыккон инспекцион-сгарæн комплекстæ, техникон цæстдарды гæрзтæ. Уадзæн пункт “Уæллаг Ларс” ифтонггонд у рæстæджы домæнтимæ.
“Уæллаг Ларс”-ы æрвылбон рæстæмбис нымадмæ гæсгæ ахизынц мин æмæ æрдæг транспортон иуæгæй фылдæр. Ивгъуыд фæлладуадзæн бонты сæвæрдтой ног рекорд. Арæнтыл дыууæ ‘рдæм дæр ацыд 1 мин 537 фурæйы. Уадзæн пункты гом сты 39 тæлмы. Уыдонæй 12 уæзласæн хæдтулгæтæн, 24 та рогтæн.
