Агитацион æрмæджытæ – президенты æвзæрстытæм

Уæрæсейы президенты æвзæрстытæ куыд æмбæлы, афтæ раст æмæ æргом хъуамæ ацæуой! Сæ агъоммæ Дзæуджыхъæуы æмæ районты райдыдтой агитацион æмæ информацион æрмæджытæ фидар кæнын.Се `ппæты дæр сидынц, цæмæй æвзæрстыты бон адæм иууылдæр хъæлæс кæнынмæ æрбацæуой, сæххæст кæной сæ граждайнаг æмæ конституцион хæстæ. Информацион æмæ æмбарынгæнæн æрмæджытæ Уæрæсæйы алы регионты парахат кæнын æмæ рекламон стендтыл фидар кæнын райдайынц уыцы-иу рæстæг. Бæлвырд æмгъуыдмæ сæ се `ппæт сисынц æмæ райдайы агитацион компанийы 2-аг къæпхæн. Домæнмæ гæсгæ та, агитацион нывтæ рекламон фæйнæджытæн сæ 20% фылдæр бынат хъуамæ ма ахсой. Агитацион æрмæджытæ ныхасынæн Цæгат Ирыстоны сфидар кодтой 200 конструкцийы. Уымæй уæлдай ма, республикæйы Центрон æвзарæн къамис бацæттæ кодта аудио- æмæ видеоæрмæджытæ. Хъусын сæ кæндзысты радиойæ, æвдисгæ та – телеуынынадæй. Суанг ма кинотеатрты дæр.