Бирæ сывæллæттæ цы бинонты ис уыдон исбонады хъалон фидын нал хъæудзæн. Уый тыххæй æрдзырдтой республикæйы парламенты æмбырды. Федералон закъоны проект сфидар кодтой паддзахадон Думæйы.
Парламенты профилон комитеты разамонæг Баликъоты Валерийы ныхæстæм гæсгæ,ацы закъон хорзырдæм фæзындзæн нæ бæстæйы демографийыл. Йæ фæрцы 1,5 млн адæймагæй хъалон фидыны уаргъ ахаудзæн. Æрыгон бинонтæн дæр хорз хъусынгæнинаг. Æнæниздзинад хъахъхæныны профилон комитеты сæрдар Реуазты Ларисæ куыд бамбарын кодта, афтæмæ æрыгон бинонтæн ис райсæн паддзахадæй социалон фиддонтæ.
Уыцы æхцайы фæрæзтæй бинонтæн фадат уыдзæн сæ уавртæ фæхуыздæр кæнын. Æрмæст йæ цард чи баиу кодта уыдоныл 35 азæй фылдæр хъуамæ ма цæуа.