Бæлвырддæрæй – æвзарæн бюллетентæм базилыны комплексты оператортæ æмæ къамисты сæрдартæн. Уæ зæрдыл уын æрлæууын кæндзыстæм, закъонады ивддзинæдтæм гæсгæ бæстæйы æппæт регионты æхсæнадон палатæтæн бар ис се ‘хсæнæй æвзарæн участоктæм хæдбар цæстдарджытæ æрвитынæн. Ныр цæстдарæг æнæмæнг исты политикон партийæ æрвыст хъуамæ ма уа. Æвзæрстыты цы æхсæнадон организацийы фæнды бацархайын, уый хъуамæ республикæйы Æхсæнадон палатæимæ бафысса бадзырд. Уыимæ ма хъуамæ сбæрæг кæна цæстдарджытæм кандидатты номхыгъд.
«Ацы ногдзинадæй пайда кæндзыстæм нæ республикæйы 18-æм мартъийы Уæрæсейы президенты æвзæрстыты рæстæг. Æдæппæтæй нæм уыдзæн 62 бюллетентæ нымайæн автоматон машинæйæ, горæты уыдонæй кусдзæн 26. Операторты ахуыртæ арæзт сты уымæн, цæмæй техникæ æнæкъуылымпыйæ куса», – РЦИ-Аланийы центрон æвзарæн къамисы сæрдар Моргуаты Жаннæ загъта.
