Цæгат Ирыстонмæ ныридæгæн Донбассæй ссыд лыгъд адæмы дыууæ къорды. Сæ фылдæр сывæллæттæ, афтæмæй. Республикæйы архайынц сабитæн æппæт уавæртæ саразыныл. Дзæуджыхъæуы рæсугъддæр бынæттыл экскурситæ æмæ цымыдисаг равдыстытæ. Горæты ифхæрсæн бынæттæй иуы та бацæттæ кодтой æцæг бæрæгбон. Музыкæ, æркастытæ æмæ аниматортæ. Се ‘нкъарæнты тыххæй не сфæлдыстадон къорд радзурдзæн.
Циндзинад, мидбылхудт æмæ хъæлдзæг хъæзтытæ. Кафе «Тоскана»-йы Донбассæй сывæллæттæн бацæттæ кодтой æцæг бæрæгбон. Сабитæн семæ сæ ныййарджытæ æмæ ахуыргæнджытæ. Уазджыты номхыгъды — Татьяна Магда дæр. Сылгоймаг куыд зæгъы, афтæмæй ахæм мадзал сæ кæстæртæн абон у уæлдай ахсджиаг æмæ хъæугæ.
Татьянæйы 10 аздзыд лæппу Марк ахуыр кæны Дзæуджыхъæуы 43-æм скъолайы. Бæрæгбонмæ æрбацыд йе ‘мбæлттимæ.
Концертон программæ рауад хъæздыг. Хъæзтытæ, кæфтытæ, бæркадджын фынг, уыимæ ма наукон равдыст. Ахæм хуызы хæрæндоны разамынд æрбалæууыдысты сабитæ æмæ сæ хистæрты фарсмæ.
Хæрзаудæн мадзал ацыд æппæтуæрæсеон акци «Мы вместе»-йы фæлгæты. Бацæттæ йæ кодтой æхсæнадон куыстуæттæ æмæ бынæттон амалхъом адæмы æххуысæй.
