Алагирæй Дзæуджыхъæумæ æхсæнадон транспорт райсомæй цæуы аст минутæй аст минутмæ. Æрвылбон райсомы 7 сахаты æмæ 10 минутæй райсомы 8 сахаты æмæ 40 минуты онг Алагиры автовокзалæй рацæуы 13 автобусы.
Боны дæргъы иу автобусы рацыдӕй иннӕ автобусы рацыды ‘хсӕн вӕййы 10-15 минуты. Уый тыххæй фехъусын кодтой республикæйы дзуапдæттæг комитеты. Дыууæ къуырийы дæргъы специалисттæ иртæстой бæлццæтты змæлд. Уавæр бæстонæй сбæрæг кæнынæн автобустæ сифтонг кодтой видеоцæстдарды системæйæ. Æмткæй райсгæйæ радих кодтой 14 ног автобусы. Дзуапп дæттынц æппæт нырыккон домæнтæн дæр.
Бакуыстой транспорты цыды фæткыл дæр. Фенæн æй ис автобусты æрлæууæн бынæтты Алагиры æмæ Дзæуджыхъæуы, уыимæ ма æхсæнадон транспорты дæр. Сæрмагонд фæтк нысан кæнгæйæ нымад цыдысты Цъæй, Мызур, Бурон æмæ Уæллаг Зджыдæй цы цы автобустæ цæуынц автовокзалы уылты, уый дæр.
