Сергей Меняйло сарӕзта ӕмбырд мӕр фæхуыздæр кæныны фарстаты фӕдыл

7.08.2026 19:07

Архайдтой дзы дзуапдæттæг кусæндæтты минæвæрттæ, ахуыргæндтæ æмæ аграритæ. Æрныхас кодтой зæххыты æууæлтæ æвзæрдæр кæныны аххосæгтыл æмæ сæ сног кæныны мадзæлттыл.

Сергей Меняйло сарӕзта ӕмбырд мӕр фæхуыздæр кæныны фарстаты фӕдыл. Архайдтой дзы дзуапдæттæг кусæндæтты минæвæрттæ, ахуыргæндтæ æмæ аграритæ. Æрныхас кодтой зæххыты æууæлтæ æвзæрдæр кæныны аххосæгтыл æмæ сæ сног кæныны мадзæлттыл. Сергей Меняйло фæнысан кодта, мæры бæркад бахъахъхъæнын у регионы агропромышленнон комплексы, кондадон æдасдзинады æмæ райрæзты ахсджиаг æууæл. Æнæмæнг хъæуы, наукæ æмæ нырыккон технологиты системон ахаст. «РосАгрохимслужба»-йы разамонӕг Хъантемыраты Мурат фæнысан кодта, мæры уæллаг, хъæздыг цъар фӕстаг 30 азы кӕй фӕкъаддӕр, уый. Проект “МелАгроХим”-ы наукон разамонæг Катауты Давид æмбырды архайджытæн радзырдта зайæгойты баззайæггæгты минерализаци фӕтагъддӕр кӕныны ӕмӕ азоты ӕнцонвадат фӕфылдӕр кӕныны тыххӕй. Фембӕлды хатдзӕгтӕм гӕсгӕ, республикӕйы сӕргълӕууӕг профилон кусæндæттæн бабар кодта ахуыргӕндтимӕ иумӕ бацӕттӕ кӕнын хъæппæристæ технологиты фæрцы мæр фæхъæздыгдæр кæныны фæдыл.

Предыдущий материал

50 мин чиныджы ирон ӕвзаг ӕмӕ литературӕйӕ ног ахуыры азмӕ арвитдзысты Цæгат Ирыстоны скъолатӕм

Следующий материал

Дзанайты Барис амыдта зынгсирвӕзтытæй тæссаг афоны фæдыл æмбырд