Ног ахуыры аз Алайнаг гимназы фæзындзæн цыппар ног уæлæмхасæн къласы æмæ роботæтехникæйы къорд. Уый тыххæй фехъусын кодтой сæрмагонд советы æмбырды. Сæрдариуæг дзы кодта республикæйы сæргълæууæг Битарты Вячеслав. Гимназы разамонæг Цæразонты Мадинæйы ныхæстæм гæсгæ ахуыргæнæндоны кад бæрзонддæр кæны. Ног ахуыры аз 1-æм къласы ахуыр кæндзысты 40 сабийы. Адих сæ кодтой 2 къласыл. Фæлæ гимназы ахуыр кæнын кæй фæндыд уыдоны нымæц уыд дзæвгар фылдæр. Уый тыххæй ахуыргæнæндоны цæттæ кæнынц ног уæлæмхасæн кълæстæ. Битарты Вячеслав бабар кодта цæмæй 26 августмæ ног бæстыхæйттæ ног ахуыры азмæ уой цæттæ. Уымæй уæлдай ма хъæугæ кусæнгæрзтæй ифтонггонд. Кæфтытæ, музыкæ, шахмæттæ æмæ ныв кæнынæй уæлдай ма ахуырдзаутæн фадат уыдзæн робототехникæйы къорды архайын. Ацы къордæн хъæугæ гæрзтæ самал кодтой. Уымæй уæлдай ма дзы фæзындзæн IT-кълас. Сæрмагонд советы фæрæзтæй та скъоладзаутæн балхæндзысты скъолайы уæлæдарæс.
